Beesha Caalamka Oo Si Weyn Uga Soo Horjeesatay Siyaasada Maamulka Siilanyo Iyo Urur Goboleedka Igad Oo Iyana Ku Soo Biiray Daneeynta Siyaasada Somaliland.

Hargeysa, 13 may 2015 - Csh -  Madaxweyne ku xigeenka JSL Cabdiraxmaan Cabdilaahi Ismaaciil - Saylici oo saaka shir jaraaid ku qabtay Xafiiskiisa ayaa ku dhawaaqay inay Xisbiyada qaranka u fidinayaan shir wadahadal oo lagaga arinsanaayo khilaafka siyaaseed ee ka taagan mudo kordhintii ay sameeyeen golaha guurtidu, waxaana uu  xusay Madaxweyne  ku xigeenku  in 20-bishan laysugu iman doono shirkaasi wada tashi ka dib  xuska maalinta qaranimada somalind ee 18-ka may , Mudane Cabdiraxmaan Cabdilaahi Ismaaciil, ayaa hoosta ka xariiqay in ummadda Somaliland caan ku tahay wada tashiga  islamarkaana ka xukuumad ahaan ugu baaqayaan asxaabta qaranka shirkaasi wada hadal.

 Baaqan ayaa ku soo beegmay wakhti ay maanta dalka ka dhoofeen wufuud culus oo ka socodtay dalalka midowga Yurub ee taageera hanaanka dimuqraadiyadda Somaliland, kuwaasoo tan iyo shalayba ku sugnaa dalka. Iyagoo xukuumadda Somaliland u cadeeyey sida ay u diidan yihiin go'aankii ay golaha guurtidu ugu kordhisay Xukuumadda, waxaanay sheegeen inay xayiraad dhinacyo badan ah aay ku soo rogayaan masuuliyiinta xukuumadda iyo Shir guddoonka guurtida sida ugu dhakhsaha badan, haddii aan lagu soo noqonin sannadkii koomishanka doorashooyinka qaranku aay iclaamiyeen.

Weftigan ayaa la kulmay Xisbiyada mucaaradka ah ee Waddani iyo Ucid oo ganafka ku dhuftay muddo kordhinta xukuumadda loo sameeyey, weftigan ayaa gaadhsiiyay sida ay uga soo horjeedaan masuuliyiinta mucaaradka iyo muxaafidkaba una sheegay inay 20-ka bishan soo noqonayaan, waxaan rajeeynaynaa inaan Somaliland oo ku heshiisay wakhti doorashada aan soo noqono. Waxay sheegeen haddii taasi dhici weydo in tallaabo dhinac kasta ah laga qaadi doono xukuumadda hadii aanay mucaaradka la qaadan wakhti sax ah oo hanaanka doorashooyinku qabsoomi karaan.

Sida War xogogaala aay heshay shabakada codkashacabkaa baa noo xaqiijiyay in soo noqoshada weftigan aay urur goboleedka IGAD uu ku soo biirayo, taas oo u muuqata sida beesha caalamka uga go'aantahay inaan wax muran ah ka soo laaban doonistooda. Hanjabaada iyo digniinta ee maamulka siilanyo aay kala kuluntay weftiga beesha caalamka u soo wakiilatay ayaa baqdin weeyn ku keentay go'aan adeeygii maamulka Siilanyo, Xisbiga Kulmiye iyo guurtidaba isu baahaaysteen oo hada u muuqda biyo coldhaanshay. Socdaaladan beesha caalamka oo laf dhuun gashay ku noqonaya beenihii iyo wax is daba marintii xisbi xaakimka kuwaas oo u muuqda inay taloobooyin adag aay beesha caalamku u diyaarisay, waxayna soo dedejinaysaa faragelin ka yimaada gobollada deriska la ah somaliland oo xukuumada siilanyo ee tabarta yari ka soo waaqsan weeydo oo la kulanto.

Waxaan cadaayn sida mucaaradda iyo xukuumaddu uga heshiin doonaan go’aankaas khilaafka siyaasiga ah dalka ka dhaliyey, balse labadda xisbi mucaarad iyo beesha caalamkuba aay ka midaaysan yihiin inuu qayrul sharci yahay. Isku soo wada xooriyoo beesha caalamka waay ka go'antahay inaanay u dul qaadan doonin wax is daba marinta maamulka Siilanyo. Waxaynu sugnaana waa habka xukuumadu u marto khilaaf xalintan.

Codkashacabkaa - Hargeisa

Codkashacabkaa1@gmail.com